பல்லவி
மேக மீதில் இயேசு ராஜன் வேகம் வாறாரே!
அனுபல்லவி
ஆயத்தமுள்ளோரை ஆகாயம் சேர்க்க அவரே வாறாரே!
சரணங்கள்
1. ஆண்டவர்தாமே ஆர்ப்பரிப்போடே அவனியில் வாறாரே!
மீண்டவரோ மேலோகமே செல்ல மேதினியை விடுவார் – மேக
2. கிறிஸ்துவுக்குள்ளே மரித்தோரெல்லாம் கிளம்பியே எழும்பிடுவார்
மரிக்காதிருக்கும் பரிசுத்தரெல்லாம் மறைந்தே போவாரே – மேக
3. பாடுபட்டோர்க்குப் பலனளிப்பாரே பாடு பட்டவர் தாமே
கூடும் நமக்கோ குறைவில்லா பலனை கூவியே கொடுத்திடுவார் – மேக
4. அவருரைத்த அடையாளங்களெல்லாம் தவறாமல் நடக்கின்றதே!
அவர் வரும் வேளையை எவருமே அறியார் ஆண்டவரே அறிவார் – மேக
5. ஆயிர வருஷ ஆளுகை செய்வார் ஆண்டவர் இயேசுதாமே!
நீதி சமாதானம் நிறைந்தே இருக்கும் ஜோதியின் ஆளுகையில் – மேக
6. அல்லேலூயா கீதம் பாடி அகமகிழ்ந்திடுவோமே
வல்லவர் வரும் வேளையுமிதோ மெல்லவே நெருங்கிடுதே – மேக
